اسلام آباد ۔ 29 اپریل (اے پی پی) وزارت اوورسیز دے ماتحت ادارے او پی ایف وزیراعظم دے بچت تے سادگی مشن پاروں 12 ودھیکی گاڈیاں نیلام کر ڈتیاں ہن۔ معاون خصوصی سید ذولفقار بخاری محکمے دے مینیجنگ ڈائریکٹر عامر شیخ دی کوششاں دی تعریف کیتی۔ نیلامی نال او پی ایف کوں 71 لکھ روپے ملے ہن جڈاں جو او پی ایف نیلامی دے بعد فیول سانگے سالانہ 18.5لکھ روپے بچسن۔ گاڈیاں دی مرمت سانگے 13.5 لکھ دی سالانہ بچت تھیسی۔ وزیراعظم دے معاون خصوصی زلفی بخاری آکھیا جو نیلامی نال ملنڑ آلی رقم اوورسیز پاکستانیاں دی فلاح تے بہبود سانگے خرچ تھیسی۔وزیراعظم دے وژن مطابق اداریاں اچ سادگی ودھدی پئی ہے۔ انہاں آکھیا جو اداریاں وچوں کرپشن مکاونڑاساڈا عزم ہے، بچت اتے سادگی ایں ویلھا ملک سانگے وڈی ضروری ہے، بچت کو ںقومی فرض سمجھ تے کرنڑ چاہیدے۔
