اسلام آباد ۔ 24 اپریل (اے پی پی) مشیر تجارت رزاق داﺅد قومی اسمبلی اچ سوالاں دے وقفے دے دوران آکھیا جو حکومت ولوں ریگولیٹری ڈیوٹی اچ ودھارے سمیت بئے اقدامات نال درآمدات اچ کمی تھئی اے ‘ جون تئیں6 بلین ڈالرتئیں کمی متوقع اے ،چین 313 چیزاں تے مصنوعات تے ڈیوٹی فری رسائی تے رضا مندی ظاہر کیتی اے جڈاں جو آسیان ملکاں کوں ڈتیاں ونجنڑ آلیاں سہولتاں پاکستان کوں وی ڈیونڑ تے اتفاق کیتے ،تسلیم کریندوں جو چین دے نال آزادانہ تجارت دے معاہدے دا پہلا مرحلہ اساں کیتے سود مند کائناں ہئی ۔
