ماسکو ۔ 4 اپریل (اے پی پی) تیل دے دھن نال مالا مال اسلامی ملک سعودی عرب جگ دے 10طاقتور ترین ملکاں اچ ناویں نمبر تے آگئے۔عرب ملکاںاسلامی اتے عرب ملکاں اچ پہلی وڈی طاقت اے۔روس دے ویلڈے فورم جگ دے طاقتور ترین 10ملکاں دی فہرست جاری کریندے ہوئے ڈسائے جو اے ملک سیاسی، اقتصادی اتے مالیاتی اثر و رسوخ، بین الاقوامی تعلقات، فوجی طاقت، عالمی قیادت و کردار، ذرائع ابلاغ اتے ثقافتی طورتے اثر اندازی اچ جگ دے طاقتور ملکاں اچ شامل ہین۔فہرست موجب امریکہ پہلے، روس ڈوجھے ،چین تریجھے ،جرمنی چوتھے، برطانیہ پنجویں ، فرانس چھیویں، جاپان ستویں، اسرائیل اٹھویں، سعودی عرب ناویں اتے کوریا 10 ویں نمبر تے ہین۔
