اسلام آباد ۔ 3 اپریل (اے پی پی) صدر مملکت ڈاکٹر عارف علوی آکھیے جوتعلیم داشعبہ حکومت دی ترجیحات اچ شامل ہے، اعلیٰ تعلیمی اداریاں کوں ایں سلسلے اچ فعال کردار ادا کرنڑ پوسی ۔ صدر مملکت ایہ گالھ بدھ کوں کامسیٹ یونیورسٹی دی سینٹ دے اجلاس دی صدارت کریندے ہوئیں آکھی۔ صدر مملکت آکھیا جو ادارے دی کارکردگی کوں چنگا بناونڑ یونیورسٹی سینٹ دی ذمہ داری ہے، ممبراں کوں یونیورسٹی دی ترقی سانگے چنگے فیصلہ کرنڑ پوسن۔ صدر آکھیا جو قوانین مطابق یونیورسٹی سینٹ دا باقاعدگی نال اجلاس تھیونڑ چاہیدے۔
