اسلام آباد ۔ 19 اپریل (اے پی پی) وزیر مملکت برائے موسمیاتی تبدیلی زرتاج گل آکھیے جو ساکوں علامہ اقبال دے فلسفہ کوں نویں نسل اچ منتقل کرنڑا ہوسی،دستکارملک دے سفیر ہین اتے انہاں دیاں منصوعات نال ملک دا ناں پورے جگ اچ اچا تھیندا پئے۔اے گالھ انہاں لوک ورثہ اچ3 ڈیہاڑی نیشنل ٹیکسٹائل نمائش دی افتتاحی تقریب نال خطاب اچ آکھی۔ انہاں آکھیے جو نمائش اچ لائے گئے سٹالز توں پتہ لگدے جو ساڈے دستکار بہوں محنت کش اتے باصلاحیت ہین،اج دی تقریب اچ بالاں دی پرفارمنس توں وی اقبال دے فلسفے دا سبق ملدے۔
