اسلام آباد ۔ 30 اپریل (اے پی پی) مشیر خزانہ، محصولات تے اقتصادی امور ڈاکٹر عبدالحفیظ شیخ (این ایس ڈبلیو) نیشنل سنگل ونڈو تے ڈوجھی سٹیئرنگ کمیٹی دا اجلاس دی صدارت کیتی۔جیندے اچ تجارت دے حوالے نال این ایس ڈبلیو پاکستان تے عملدرآمد دا جائزہ گھدا گیا۔ ممبر کسٹم (آپریشنز) کمیٹی کوں بریفنگ ڈیندے ہوئیں ڈسایا جو این ایس ڈبلیو سسٹم دے تصور اتے فائدیاں دے حوالے نال این ایس ڈبلیو تے عملدرآمد نال سرحد دے آر پار تجارت دے ودھارے اتے ملک دے اندر بزنس کوں آسان بناونڑ اچ مدد ملسی۔ انہاں ڈسایا جو ڈبلیو ٹی او فیسیلی ٹیشن ایگریمنٹ تحت نیشنل سنگل ونڈوبنراونڑبنیادی ضرورت ہے، معاہدے تے پاکستان وی دستخط کیتے ہن۔ انہاں آکھیا جو ایف بی آر پاکستان اچ نیشنل سنگل ونڈو سسٹم تے عملدرآمد سانگے ایکٹو کردار ادا کر یندا پئے،جیندا مقصد سرحد دے آر پار تجارت سانگے مدد کرنڑ ہے۔ وزیراعظم دے مشیر ڈاکٹر عبدالحفیظ شیخ ایف بی آر کوں ہدایت کیتی جو دوست ممالک دے نال تجارت دے ودھارے اچ مدد سانگے موجودہ قوانین اتے ریگولیشنز کوں سادہ اتے آسان بنڑایا ونجے
