اسلام آباد ۔ 18 اپریل (اے پی پی) نویں سیکرٹری خارجہ سہیل محمود خمیس کوں باضابطہ اپنڑیاں ذمہ داریاں سانبھ گھدیاں۔سہیل محمود کیرئر فارن سروس افسر ہن اتے انہاں دی سفارتکاری دا تجربہ پچھلے 30سال دا ہے ۔ایںمدت دوران اوہ باہرلے ملکاں اچ پاکستانی مشنز دے علاوہ وزارت خارجہ امور اچ مختلف عہداں تے تعینات رہے ۔ سیکرٹری خارجہ دے عہدے تے لگنڑ توں پہلے سہیل محمود بھارت اچ اگست2017توں اپریل 2019تئیں پاکستان دے ہائی کمشنر رہے۔ایندے علاوہ 2015توں2017تئیں ترکی اتے 2009توں2013تئیں تھائی لینڈ اچ پاکستان دے سفیراتے اقتصادی تے سماجی کمیشن دے مستقل نمائندہ برائے ایشیاءتے پیسفک دے عہداں تے لگے رہے۔سہیل محمود 1985اچ فارن سروس پاکستان اچ شمولیت اختیار کیتی اتے 1987توں1988 اتے ول1990توں 1991تئیںساوتھ ایشیاءریجن سانگے بطور ڈیسک آفسر خدمات سرانجام ڈتیاں۔بعد اچ ا وہ 1995-1998اچ ڈائریکٹر(ایران۔ترکی)،2005-2008 اچ ڈائریکٹر جنرل(امریکہ)،2009اچ ڈائریکٹر جنرل سیکرٹری خارجہ آفس اتے 2013توں2015تئیں ایڈیشنل سیکرٹری (افغانستان/ویسٹ افریقہ)دے عہداں تے تعینات رہے ۔سہیل محمود کولمبیا یونیورسٹی نیویارک توں انٹر نیشنل افیئرز اچ ماسٹر ڈگری اتے قائد اعظم یونیورسٹی اسلام آباد توں ہسٹری اچ ایم اے کیتا۔
