اسلام آباد ۔ 19 اپریل (اے پی پی) وزیراعظم عمران خان ولوں وفاقی کابینہ اچ تبدیلی دے بعد کابینہ ڈویژن 47 وزیراں تے مشتمل وفاقی کابینہ دی نویں لسٹ جاری کر ڈتی ہے ۔جمعہ کوں کابینہ ڈویژن توں جاری نویں لسٹ مطابق 25 وفاقی وزیراں ،5 مملکت دے وزیر ،4وزیراعظم دے مشیر جڈاں جو 13معاون خصوصی وفاقی کابینہ دا حصہ ہن ۔وفاقی کا بینہ اچ نویںشامل تھیونڑ آلے کابینہ ارکاناں اچ وزیراعظم دی معاون خصوصی اطلاعات تے نشریات ڈاکٹر فردوس عاشق اعوان ، معاون خصوصی نیشنل ہیلتھ سروسز،ریگولیشنز اینڈ کوآرڈنیشن ڈاکٹر ظفراللہ مرزا،معاون خصوصی برائے پیٹرولیم ڈویژن ندیم بابر شامل ہن ،چوہدری فواد حسین ،غلام سرورخان اتے شہریار آفریدی دے وزارت دے قلمدان بدل ڈتے گن ،جڈاں جو اسد عمر گزریل ڈینھ خودوزارت خزانہ دے عہدے توں انج تھی گئے ہن ۔
