اسلام آباد ۔ 11 اپریل (اے پی پی)وزیر اعظم عمران خان ملک اچ سیاحت دے شعبے دے ودھارے کیتے ہک اجلاس دی صدارت کیتی اتے متعلقہ حکام کوں آکھیے جو او مقامی و غیر ملکی سیاحواں کیتے نویں سیاحتی علاقیاں دی نشاندہی اتے انہاں بارے تفصیلی معلومات دی جامع ویب سائٹ فوری جاری کرن۔اجلاس اچ وزیر اطلاعات و نشریات چوہدری فواد حسین، وزیر اعظم دے معاون خصوصی برائے سمندر پار پاکستانیز سید ذوالفقار عباس بخاری، چیئرمین سرمایہ کاری بورڈ ہارون شریف، وزیر سیاحت پنجاب یاسر ہمایوں، وزیر سیاحت خیبر پختونخوا عاطف خان اتے سیکرٹری سیاحت خیبر پختونخوا راشد محمود لنگڑیال شرکت کیتی۔اجلاس اچ ڈسایا گئے جوخیبر پختونخوااچ 11، پنجاب اچ 8 مربوط سیاحتی زونزبنڑدے پین جیہڑے سیاحتی علاقے گبین جبہ، سوات (9200 فٹ بلندی)، منکیال، سوات ( 8700 فٹ بلندی)، بےون، سوات ( 11000 ہزار فٹ بلندی)، بیر مغلشت، چترال (9000 فٹ بلندی) ، گولین ، چترال (10400 فٹ) ککلشت، چترال (7500 فٹ)، بروائی، ناران (10000 فٹ ) اتے ماہا بن بونیر (6600 فٹ)اچ بنڑائے ویندے پین ۔اجلاس کوں خیبر پختونخوا ٹورازم ایکٹ 2019 دے مسودے بارے وی ڈسایا گیا۔وزیراعظم کوں ڈسایا گئے جو سیاحتی شعبہ دی صلاحیت ودھاونڑ،سیاحت دے ودھارے، سیاحواں کوں متوجہ کرنڑ کیتے بین الاقوامی طورتے کامیاب ماڈلز دی پیروی کیتی ویسی۔وزیراعظم آکھیا جو ملک اچ سیاحت دے وڈے موقع موجود ہین ایں سانگے مقامی و غیر ملکی سیاحواں کیتے نویں سیاحتی علاقیاں دی نشاندہی اتے انہاں بارے تفصیلی معلومات دی جامع ویب سائٹ فوری جاری کیتی ونجے جیندے اچ ہنڑ تئیں بنڑن االے سارے نویں ٹورسٹ زونز دی نشاندہی واضح کیتی ونجے اتے سیاحواں دی رہنمائی تھیوے۔
