اسلام آباد ۔ 11 اپریل (اے پی پی) پاکستان اتے تاجکستان تجارتی اقتصادی، سفارتی اتے توانائی دے شعبیاں اچ ڈو پاسہ تعاون تے اتفاق کیتا۔اے اتفاق رائے وزیر خارجہ شاہ محمود قریشی اتے تاجکستان دے وزیردفاع جنرل شیر علی میرزووچال خمیس کوں اتھاں وزارت خارجہ اچ ملاقات اچ طے تھیا۔وزارتِ خارجہ آ ونڑ تے وزیر خارجہ شاہ محمود قریشی ’ تاجک وزیر دفاع دا خیر مقدم کیتا۔دفتر خارجہ دے ترجمان دے مطابق گالھ مہاڑ اچ ڈو پاسہ تعلقات،سیاسی تے عسکری تعاون سمیت آپسی دلچسپی دے معاملیاں تے گالھ مہاڑ کیتی گئی ۔ وزیر خارجہ مخدوم شاہ محمود قریشی ’ تاجکستان دی سیاسی تے عسکری قیادت سانگے نیک خواہشات دا اظہار کیتا۔
