اسلام آباد ۔ 3 اپریل (اے پی پی) وزیر مملکت داخلہ شہریارآفریدی بدھ کوں ”پاکستان ٹوررزم سمٹ“ نال خطاب کریندے ہوئیں آکھیا جوپاکستان دنیا دی پرامن اتے محفوظ ریاست ہے، پاکستان دا اصل امیج دنیا سامنڑے رکھیندے پئے ہسے ، سارے پاکستان کوں سیاحواں سانگے اوپن کرڈتے، ساری دنیا کوں دعوت ہے جوا وہ پاکستان آونڑ اتے ڈیکھنڑ جو پاکستان پرامن اتے محفوظ ریاست ہے،۔انہاں آکھیا جوملک اچ امن قائم کرنڑ سانگے پاک افغان سرحد تے باڑ لاتی ویندی پئی ہے ،کوشش ہے جو پاک ایران سرحد تے وی باڑ لاتی ونجے۔ انہاں آکھیا جوسیاحت ودھاونڑ سانگے ویزہ رجیم اچ تبدیلی اتے این او سی کلچر ختم کر ڈتا گئے۔ انہاں آکھیاجو2015ءاچ جڈاںا ساں ہم اپوزیشن اچ ہاسے تاں میں پارلیمنٹ دے بئے ارکاناں اتے صحافیاں دے ہک وفد دے کٹھے بھارت دا دورہ کیتا،جتھاں اساں زراعت، سیاحت، میڈیا دے کردار اتے پولیس اصلاحات کوں ڈٹھا ، انہاں آکھیا جواوں ویلھا اساڈے کنوں سیاحت دی پالیسی کائنی ہائی۔ انہاں آکھیاجو جڈاں اساڈی حکومت بنڑی تاں وزیراعظم عمران خان دی ترجیحات اچ سیاحت کوں وڈا مقام حاصل ہا، وزیراعظم عمران خان سیاحت دے ودھارے سانگے ڈینھ رات کم کریندے پن۔
