اسلام آباد ۔ 16 اپریل (اے پی پی) وفاقی وزیر اطلاعات و نشریات چوہدری فواد حسین فرانس دے دارالحکومت پیرس اچ 850سال تاریخی نوٹرے ڈیم چرچ اچ بھاہ لگنڑ دے واقعے تے افسوس کریندے ہوئیں آکھیے جو پاکستان دی حکومت تے عوام ڈکھ دے ایں ویلھے اچ فرانس دی عوام دے رلے کھڑن ۔منگل کوں اپنڑے ٹویٹ اچ وفاقی وزیر آکھیا جو اساڈیاں ہمدردیاں فرانس دی عوام دے نال ہن ، ہر کوئی ایں ڈکھ کوں محسوس کریندا پئے،ڈکھ دے ایں ویلھے اچ پاکستان دی حکومت تے عوام فرانسیسی عوام دے رلے کھڑن۔
