اسلام آباد ۔ 27 اپریل (اے پی پی) پاکستان عالمی برداری توں تنازعات مکاونر کیتے ایندی اصل وجوہات مکاونڑکیتے بین الاقوامی سطح تے جامع کوششاں دا مطالبہ کیتے تاں جو جگ دے مختلف خطاں اچ قابض افواج ولوں تریمتیں اتے چھوریں تے تھیونڑ آلے جنسی تشددکون مکاونر تے زور ڈتے۔ اقوام متحدہ دی سلامتی کونسل نال خطاب اچ پاکستانی مندوب ملیحہ لودھی آکھیے جو متنازعہ علاقیاں اچ خواتین تے جنسی تشددتوں بچنر دا ہکو رستہ اے جو تنازعات مکائے ونجن،تنازعات مکاوئے بغیر سلامتی کونسل خواتین کوں جنسی تشددتوں بچاونڑ کیتے موثر کردار ادانئیں کر سگدی کیوں جو غیر ملکی قابض افواج ولوں تریمتیں دی جنسی حراسگی مسلسل جاری اے،میانمار توں گھن تے ساڈے ہمسائے تئیں اینجھے واقعات معمول ہین ایندے کیتے عالمی برادری اپنڑا کردار ادا کرے،ایں سانگے سیاسی و جغرافیائی مفادات کوں رکاوٹ نئیں بنڑنا چاہیدا، امن و سلامتی بارے تریمتیں دا کردار ودھ موثر بنڑاونڑ کیتے سلامتی کونسل اچ وی تریمتیں دی تعداد ودھائی ونجے۔انہاں ڈسایا جوپاکستان امن سانگے بین الاقوامی مشنز اچ اپنڑے افسراں تے مشتمل سٹاف اچ 15 فیصد تریمتیں دی تعیناتی دا ہدف وی پورا کر گھدے۔
