لاہور ۔ 17 اپریل (اے پی پی) قومی احتساب بیورو (نیب) دے چیئرمین جسٹس (ر) جاوید اقبال بدھ کوںفیروزپور سٹی ہاﺅسنگ سوسائٹی دے متاثرین اچ73 کروڑ روپے دی رقم تقسیم کرنڑ دی تقریب نال خطاب کریندے ہوئیں آکھیا جو میگا کرپشن دے وائٹ کالر مقدمات کوں انجام تئیں پجاونڑ اتے ہاﺅسنگ سوسائٹیاں دے متاثرین دی رقوم دی واپسی نیب دی پہلی ترجیح ہے، اساں ڈبل شاہ کوں سنگل شاہ بنڑا ڈتے ، کہیں کو ں مستقبل اچ ڈبل شاہ کائناں بنڑن ڈیسوں۔ چیئرمین نیب جسٹس جاوید اقبال ڈی جی نیب لہور شہزاد سلیم دی سربراہی اچ نیب لہور دی کارکردگی دی تعریف کیتی اتے امید ظاہر کیتی جو نیب لہور مستقبل اچ کرپشن دے عناصر توں عوام دی لوٹی ہوئی رقم برآمد کر تے متعلقہ متاثرین اچ وختی تقسیم کریسی .
