اسلام آباد ۔ یکم مئی (اے پی پی)افغانستان نال تعلق رکھنڑ آلیاںسیاستداناں، صحافیاں، ماہرین تعلیم اتے کاروباری لوکیں تے مشتمل ہک اعلیٰ سطح دے وفد بدھ کوں وزارت خارجہ اچ وزیر خارجہ مخدوم شاہ محمود قریشی نال ملاقات کیتی۔ایں موقع تے پاک افغان تعلقات، افغان مفاہمتی عمل سمیت سانجھی دلچسپی دے امور تے گالھ مہاڑ کیتی گئی ۔وفددے شرکاءافغان امن عمل دے سلسلے اچ فریقین کوں مذاکرات دی میز تے گھن آونڑ سانگے پاکستان ، خاص کروزیر خارجہ دے عزم اتے کوششاں دی تعریف کیتی۔وزیر خارجہ مخدوم شاہ محمود قریشی وفد کوں یقین ڈیوایا جو پاکستان خطے اچ خاص کر افغانستان اچ امن قائم کرنڑ سانگے اپنڑیاں کوششاں جاری رکھیسی۔
