تہران ۔ 22 مئی (اے پی پی) ایران دے وزیر خارجہ جواد ظریف خبردار کیتے جے تئیں امریکا جوہری معاہدے تے اپنڑے وعدیاں تے عمل نہ کریسی اتے ایران نال احترام دا رویہ نہ رکھیسی او تئیں ایران امریکی صدرڈونلڈ ٹرمپ دی انتظامیہ نال مذاکرات نہ کریسی۔ جواد ظریف امریکی نیوزچینل کوں انٹرویو اچ آکھیے جو امریکا علاقے اچ اپنڑی فوجی موجودگی کوں ودھاونڑ نال ہک خطرناک کھیڈ شروع کر ڈتے،امریکا ولوں خلیج فارس اچ طیارے بردار بحری بیڑے اتے بمبار طیارے سودھے وڈے فوجی ساز و سازمان گھن آونڑاپنڑے آپ کہیں وڈے سانحے کوں دعوت ڈیونڑ دی وجہ بنڑ سگدے جیندے تے بہوں احتیاط دی لوڑھ اے۔انہاںا ٓکھیے جو اساں حسن سلوک دے عادی ہیں اتے ہنڑ وعدہ نہ نبھاونڑ آلیاں نال مذاکرات تے کوئی دلچسپی نئیں رکھدے،ایرانی عوام اصلوںنہ جھکسن اتے ایران کڈاھیں وی دباونال مذاکرات نہ منیسی۔
