اسلام آباد ۔ 12 مئی (اے پی پی) ترجمان دفتر خارجہ آکھیے جو انسانی سمگلنگ اتے پاکستانی تریمتیں نال جشادی دے ناں تے جعلسازی دے مسلے مکاونڑ کیتے پاکستان اتے چین رل تے کم کریندے پین تاں جو انسانی سمگلنگ کوں روکیا ونج سگے۔ہک بیان اچ انہاں آکھیے جو ایں معاملے تے پاکستان اتے چین دیان حکومتاں رابطے اچ ہین،دفتر خارجہ اتے چین اچ پاکستانی مشن نگرانی کریندا پئے تاں جو اینجھاں شکایات تے فوری کارروائی کیتی ونج سگے،کہیں وی متاثرہ شخص کوں معاونت ڈیونڑ کیتے ہر ویلھے تیار ہیں،ملوث افراد کوں قانون دے مطابق سزا ڈتی ویسی تاں جو اینجھے واقعے ولا نہ تھیون۔
