کراچی۔ 24 مئی (اے پی پی) وزیراعظم عمران خان آکھیا جو تحریک انصاف سندھ اچ ہک بئیا صوبہ بنڑاونڑ دے خلاف اے،نویں بلدیاتی نظام دے بعد سندھ اچ کہیں قسم دی ونڈ دی لوڑھ کائنا رہسی۔جمعے کوں وزیراعظم عمران خان دی دورہ کراچی دے موقع تے پاکستان تحریک انصاف دی اتحادی جماعتاں دے وفدنال ملاقات کیتی۔ملاقات کرنڑ آلیاں اچ فردوس شمیم نقوی، خرم شیر زمان، حلیم عادل شیخ، فیصل ووڈا، اشرف قریشی، جی ڈی اے دے رہنماءارباب غلام رحیم، نصرت سحر عباسی، صدر الدین شاہ راشدی، نند کمار اتے بئے شامل ہن۔ملاقات اچ سندھ دی اجوکی سیاسی صورتحال،وفاقی حکومت ولوں جاری ترقیاتی منصوبیاں اتے اتحادی معاملیاں تے گالھ مہاڑ کیتی گئی ۔
