اسلام آباد ۔ 17 مئی (اے پی پی) سٹیٹ بنک آف پاکستان ایس بی پی بنکنگ سروسزکارپوریشن دے ذریعے عوام کوں نویں نوٹ ڈیونڑ سانگے شارٹ میسجنگ سروس شروع کر ڈتی ہے ۔سٹیٹ بنک ولوں جاری پریس ریلیزمطابق نویں نوٹ نوٹ سارے متعلقہ کمرشل بینکاں دی شاخاں اتے ایس بی پی بنکنگ سروسزکارپوریشن دے16 فیلڈ دفتراں اچ دستیاب ہوسن۔نویں نوٹاں سانگے بکنگ 19 مئی توں شروع تھیسی جڈاں جو 20 مئی توں موبائل شارٹ میسجنگ سروس دے ذریعے نویں نوٹ جاری تھیسن،ا یہ سلسلہ 31 مئی تئیں جاری راہسی۔لوکیں کوں ودھ توں ودھ سہولت ڈیونڑ سانگے سارے ملک اچ 142 شہراں اچ 1702 ای برانچز اتے ایس بی پی بنکنگ سروسزکارپوریشن دے 16 فیلڈ دفتراں دے ذریعے ایں حوالے نال خدمات ڈتیاں ویسن۔ایں سروس اچ ہک میسج تے 1.50 روپے ٹیکس سمیت خر چ آوسی۔ایں سہولت نال نویں نوٹ گھنڑ دے خواہش مند لوکیں کوں اپنڑاں13 ہندساں آ لا کمپوٹرائیزڈ شناختی کارڈ نمبریا سمارٹ کارڈنمبر اتے مطلوبہ ای برانچ دی آئی ڈی لکھ تے شارٹ کوڈ8877 تے324533454432(space)KHI001 آلی کار ہک میسج بھیجنڑ پوسی ۔ جیندے جواب اچ کا ریڈیمشن کوڈ، ای برانچ داپتہ اتے کوڈ دے موثر ہونڑ دا عرصہ لکھیا ہویا ہوسی، شناختی کارڈ دی کاپی اتے کوڈ ڈکھا تے متعلقہ بنک توں10 روپے دے ترائے پیکٹ، 50 تے 100 روپے دے ہک ہک پیکٹ گھن سگدن ۔
