اسلام آباد ۔ 13مئی(اے پی پی)سپریم کورٹ دے سینئر جج مسٹر جسٹس گلزار احمد قائم مقام چیف جسٹس آف پاکستان دے عہدے دا حلف چا گھدے ۔ سنوار کوں اتھاں سپریم کورٹ اچ ہک سادہ تے پروقار تقریب اچ جسٹس شیخ عظمت سعید انہاں توں حلف گھدا ۔ سپریم کورٹ آف پاکستان توں جاری بیان دے مطابق چیف جسٹس آف پاکستان جسٹس آصف سعید کھوسہ دے باہرلے ملک دورے دے عرصے دے دوران جسٹس گلزار احمد بطور چیف جسٹس آف پاکستان فرائض سرانجام ڈیسن۔ حلف برداری دی تقریب اچ سپریم کورٹ آف پاکستان دے ججز، اٹارنی جنرل آف پاکستان، سینئر وکیل تے لاءافسراں،سپریم کورٹ آف پاکستان دے افسر تے سٹاف وی شرکت کیتی ۔
