اسلام آباد ۔ یکم مئی (اے پی پی)سپیکر قومی اسمبلی اسد قیصر بدھ کوں مزدوراں دے عالمی ڈینھ دے موقع تے اپنڑے ہک پیغام اچ آکھیے جو یوم مئی مزدور طبقے دی خدمات کوں خراج تحسین پیش کرنڑ دا موقع ڈیندے ،جیرھا جو ملکی تعمیر تے تر قی اچ اہم ستون دی اہمیت رکھیندن۔ ظلم تے ستم،استحصال اتے ناانصافی دے خلاف شکاگو اچ مرنڑ آلیاں دی جدوجہد کوں یاد کریندے ہوئیں اساں مزدور طبقے دی ملک دی تعمیر تے ترقی اچ اہم کردار کوں خراج تحسین پیش کریندوں ۔ بدھ کوں ساری دنیا اچ مزدوراں دا ڈینھ منایا ویندا پئے ۔ سپیکر اسد قیصر آکھیا جو مزدور طبقہ کہیں وی ملک دی تر قی اتے خوشحالی سانگے مرکزی کردار ادا کریندے،تاں جو اساڈے تے لازم ہے جو انہاںدی فلاح تے بہبود اتے انہاں دی خدمات دے بدلے مزدوری وختی ادا کرنڑ یقینی بنڑاوں۔ انہاں آکھیا جو دنیا دے سارے مہذب معاشراں اپنڑے مزدور طبقے دے حقوق اتے فلاح تے بہبود کوں یقینی بناونڑ سانگے قنون سازی کیتی ہوئی ہے،اساکوں وی ایں سانگے چنگے اقدامات کرنڑ پوسن۔
