اسلام آباد ۔ 09مئی(اے پی پی)وفاقی وزیر منصوبہ بندی، ترقی واصلاحات مخدوم خسرو بختیار آکھیے جو موجودہ حکومت ملک اچ خوراک تے زراعت دے شعبے کوں جدید بنڑاونڑ کیتےے ترجیحی بنیاد تے اقدامات کریندی پئی اے۔انہاں اقدامات پاروں اے شعبہ بہتر دے پاسے ٹر پوسی تے ملکی برآمدات اچ اہم کردار ادا کریسی۔اے گال انہاں گزریل ڈینھ سنٹرل ڈویلپمنٹ ورکنگ پارٹی دے اجلاس نال خطاب کریندے ہوئیں آکھی اے ۔ اجلاس اچ خوراک تے زراعت متعلق 5 منصوبے پیش کیتے گن جیں اچ پہلا منصوبہ کنڑنک دی پیداوار اچ ودھارے کیتے 31987.4 ملین روپے دا منصوبہ پیش کیتا گے جیں کوں حتمی منظوری کیتے ایکنک بھجوا ڈتا گے ۔ڈوجھا منصوبہ چاول دی پیداوار اچ ودھارے کیتے 15809.620 ملین روپے دا منصوبہ پیش کیتا گے جیں کوں حتمی منظوری کیتے ایکنک بھجوا ڈتاگے۔تریجھا منصوبہ گنے دی پیداوار اچ ودھارے کیتے 5019.589 ملین روپے دا پیش کیتا گے جیں کوں مزید منظور کیتے ایکنک بھجوا ڈتاگے۔ چوتھا منصوبہ ائل سیڈز تیل دی پیداوار اچ ودھارے کیتے 10167.25 ملین روپے دا پیش کیتا گے جیںکوں حتمی منظوری کیتے ایکنک بجھوا ڈتاگے۔پنجواں منصوبہ کیج کلچر کلسٹر ڈویلپمنٹ منصوبہ کیتے6582 ملین روپے دی لاگت دا منصوبہ پیش کیتا گے جیں کوں اجلاس مزید منظوری کیتے ایکنک بجھوا ڈتے۔
