اسلام آباد ۔ 14 مئی (اے پی پی) وزیر خارجہ شاہ محمود قریشی آکھیا جو وزارت خارجہ دی کارکردگی کوں بیا فعال اتے چنگا کرنڑ سانگے انقلابی اقدامات کیتے ویندے پئن،ترائے سالیں دی مدت دی پوسٹنگ کوں کارکردگی نال جوڑ ڈتے،کمیٹی تحریری ہدایت جاری کر سگدی اے،ہر ملک اچ تعینات پاکستانی کمرشل اتاشی توں سالانہ کارکردگی رپورٹ منگوائی ونجے،ایران پاکستان گیس پائپ لائن ارباں ڈالردا منصوبہ اے جئیں کوں اگوں گھن تے ونجنڑ چاہندوں جڈانجو مسئلہ عالمی پابندیاں دا اے۔انہاں اے گالھ منگل کوں پارلیمنٹ ہاﺅس اچ قومی اسمبلی قائمہ کمیٹی برائے خارجہ امور دے اجلاس کوں بریفنگ ڈیندیں ہوئیں آکھی۔اجلاس دی صدارت چیئرمین احسان اللہ ٹوانہ کریندے پے ہن ۔وزیرخارجہ آکھیا جو 70توں ودھ غیر قانی تارک وطن پاکستانیاں کوں ا مریکہ توں ڈی پورٹ کیتا ویندا پئے،او چاہندن جو پاکستان قبول کرے جڈانجو اساں انہا ں کوں قانونی تقاضے پورے کرنڑ دا آکھیے۔
