جدہ ۔ 30 مئی (اے پی پی) وزیر خارجہ شاہ محمود قریشی آکھیا جو ملائیشیا اتے پاکستان اچ اقتصادی سانجھے داری دے معاہدے کوں بیا فعال بنڑاونڑ دی لوڑھ اے،دفتر خارجہ دے ترجمان دے مطابق اے گالھ انہاں خمیس کوں سعودی عرب دے شہر جدہ اچ جاری او آئی سی وزرائے خارجہ کونسل دے اجلاس اچ ملائیشیا دے اپنڑے ہم منصب سیف الدین عبداللہ نال ملاقات کریندیں ہوئیں آکھی۔گالھ مہاڑ اچ ڈو پاسہ تعلقات،تجارت اتے معیشت سمیت مختلف شعبیاں اچ ڈو پاسہ تعاون ودھاونڑ تے گالھ مہاڑ کیتی گئی ۔شاہ محمود قریشی آکھیا جو پاکستان اتے ملائیشیا اچ آپسی دے تعلقات گھاٹے ہن ۔ ملائیشیا دے صدر ڈاکٹر مہاتیر محمد دے اجوکے دورہ پاکستان دے نقوش اجاں وی اساڈے ذہناں اچ تازہ ہن ۔۔ ملائیشیادے وزیر خارجہ ’ مخدوم شاہ محمود قریشی کوں یقین ڈوایا جو انہاں دی حکومت آپسی دلچسپی دے شعبیاں اچ پاکستان نال پورا تعاون کریسی۔
