اسلام آباد ۔ 31 مئی (اے پی پی)وزیر مملکت سیفران شہریار خان آفریدی آکھیے جو وزیر داخلہ دی بجائے افغان انتظامیہ منظور پشتین کوں طاہر داوڑ دی میت ڈیونڑ کیتے تیار ہئی ‘ میت حوالگی دے وقت پاکستان دے پرچم نال جیرھا کجھ تھئے یا پاکستان دے حوالے نال جیرھے ریمارکس ڈتے گن او اتھاں بیان نی کیتے ونج سگدے‘ اپوزیشن توجہ مبذول نوٹس دے ذریعے ساری تفصیلات حکومت توں طلب کر سگدی اے ‘ ایں مسئلے تے سیاست نہ کیتی ونجے ۔ جمعہ کوں قومی اسمبلی اچ وقفہ سوالات دے دوران طاہر داوڑ دے اغواءاتے بعد اچ انہاں کوںقتل کرنڑ دے حوالے نال خرم دستگیر دے سوال دے جواب اچ وزیر مملکت شہریار آفریدی آکھیے جو بدقسمتی نال ماضی اچ ہک نواں قانون بنڑایاگے ملک دے کہیں وی حصے اچ وسنڑ آلے پختون کوں 1979ءتوں پہلے دے ملک اچ موجود تھیونڑ دے شواہد ڈیونڑیں ہن تے نادرا کوں وی حکم ڈتا گے جیں اچ پٹھان دی وی مشابہت افغانی توں ہووے ایندا شناختی کارڈ بلاک کرڈتا ویسی۔ پی ٹی آئی دی حکومت پختوناں دے ہک لکھ 87 ہزار توں ودھ بلاک شناختی کارڈ جاری کرائے اتے نادرا نال مشابہت آلی شق ختم کرائی۔
