اسلام آباد ۔ 17 مئی (اے پی پی) وفاقی وزیر سائنس اینڈ ٹیکنالوجی فواد حسین چوہدری نال پاکستان اچ جاپان دے سفیر کیونیونوری مٹسوڈا جمعہ کوں ملاقات کیتی۔ ملاقات اچ سائنس اتے ٹیکنالوجی دے امور تے گالھ مہاڑ کیتی گئی۔ وزیر سائنس تے ٹیکنالوجی جاپانی سفیر کو ں پاکستان اچ سائنس اتے ٹیکنالوجی دے فروغ سانگے مستقبل دے لائحہ عمل بارے ڈسایا ۔ جاپانی سفیر وزیر سائنس تے ٹیکنالوجی فواد چوہدری دے وژن دی تعریف کریندے پاکستان اچ سائنس اتے ٹیکنالوجی دے ودھارے سانگے چنگے تعاون دا یقین ڈیوایا۔ ایندے علاوہ جاپانی سفیر وزارت سائنس اینڈ ٹیکنالوجی دے زیر انتظام یونیورسٹیاں دے دورے دی خواہش دا اظہار کیتا۔ وفاقی وزیر فواد حسین چوہدری متعلقہ حکام کو ںجاپانی سفیر دے دورے سانگے وختی انتظام کرنڑ دی ہدایت کر ڈتی۔
