اسلام آباد ۔ 9 مئی (اے پی پی) وزیر منصوبہ بندی و ترقی خسرو بختیار آکھیے جو گوادر فری ٹریڈ زون اے جیہڑی کمپنی کوں ڈتا گئے،گوادر دی ترقی ترجیح اے،ساڈھے 17 ارب روپے نال گوادر کوں نیشنل گرڈنال جوڑیا ویسی،ماسٹر پلان تے اتفاق رائے تھی گئے ۔سینیٹ اچ سینیٹر طلحہ محمود دے سوال دے جواب اچ خسرو بختیار آکھیا جو چار سالاں اچ صوبائی حکومتاں119 ترقیاتی سکیماں ڈتن جیندے اچ سنٹرل ڈویلپمنٹ ورکنگ پارٹی صوبائی حکومتاں دے سپانسر کردہ 43 منصوبیاں دی منظوری ڈتی، ایں دوران 31 منصوبے صوبیاں کوں ولا ڈتے گین جیندے اچ بلوچستان دے 6، خیبرپختونخوا دے 9، پنجاب دے 14 اتے سندھ دے 2 منصوبے شامل ہین، منصوبے ولا ڈیونڑ دی وجہ فنانس ذرائع دی غیر یقینی ہئی، گوادر فری ٹریڈ زون اے جیہڑاچینی کمپنی کوں ڈتا گئے، گوادرتے ضروری کم نئیں تھیا،اج تئیں اتھاں بجلی دا پلانٹ نئیں چل سگیا،ساڈی حکومت گوادردی ترقی کوں ترجیح ڈتی اے، بلوچستان کوں ایندے حق دے مطابق ملسی، کچھی کینال تے 80 ارب روپے خرچ تھی چکین، 8 ارب دی مزید ایلوکیشن کریسوں۔
