اسلام آباد ۔ 5 جون (اے پی پی) وزیراعظم عمران خان رمضان شریف اچ عوام کوں بجلی دی بلا تعطل فراہمی تے وزارت توانائی دی کاکردگی دی تعریف کیتی اے ۔وزیراعظم اپنڑے ٹویٹر پیغام اچ وفاقی وزیر توانائی عمر ایوب خان اتے سیکرٹری توانائی عرفان علی کوں شاباش ڈتی تے آکھیا جو جیں انداز اچ انہاں بجلی چوری دا تعاقب کیتے تے نظام رسد اچ رکاوٹاں کوں ہٹاونڑ کیتے کم کیتے او قابل تعریف اے ۔ وزیراعظم آکھیا انہاں دی کوشش دی بدولت قوم کوں پہلی واری لوڈ شیڈنگ توں پاک رمضان شریف جیہوجی نعمت ملی ۔
