اسلام آباد ۔ 10 جون (اے پی پی) وزیر خارجہ شاہ محمود قریشیسنوار کوں قائد حزب اختلاف شہباز شریف ولوں چاتے گئے نکات دا جواب ڈیندے ہوئیں آکھیا جو عدالتاں اتے انتظامیہ دی اپنڑیاں اپنڑیاں حدود ہن‘اساں نیب کوں ڈکٹیٹ نی کر سگدے‘ آصف علی زرداری کوں نیب ولوں 12 واری ضمانت ملی ہے‘ ہنڑ اسلام آباد ہائی کورٹ انہاں دی ضمانت منسوخ کیتی ہے۔ انہاں آکھیا جونیب کو ںہر کہیں دا احتساب کرنڑ چاہیدے۔ اساںشفاف احتساب دے حق اچ ہسے ۔شاہ محمود قریشی آکھیا جوقائد حزب اختلاف او آئی سی دے جاری اعلامیہ اچ کشمیر دا ذکر شامل نہ ہونڑ دی گالھ کیتی‘ ایہ اجلاس کیوں سڈیاگیا ایہ ڈٹھا ونجے ۔ سعودی عرب رمضان اچ سیاسی سرگرمیاں نی کیتیاں ویندیاں،تاںجوگلف صورتحال کوں سامنڑے رکھیندے ہوئیں او آئی سی دا ہنگامی اجلاس سڈیا گیا۔انہاں آکھیا جوکشمیر اتے فلسطین دے مسئلے کوں او آئی سی اجلاس اچ پوری طاقت نال چاتے ‘ پاکستان دے آکھنڑ تے او آئی سی دا اجلاس تھیا‘ کشمیر بارے پاکستان بنیادی موقف رکھیندے‘ جنوبی ایشیا اچ امن تے استحکام دے مسئلے کوں کہیں قیمت تے نظرانداز نی کیتا ونج جا سگدا۔ انہاں آکھیاجو لوڈشیڈنگ تے عمر ایوب دی حوصلہ افزائی دی ٹویٹ دی گالھ کیتی گی۔ یقینا گزریل دور اچ بجلی دے نویں منصوبے لگے۔ لوڈشیڈنگ گھٹ تھی تاں جوگزریل سال رمضان اچ لوڈشیڈنگ تھیندی رہی اتے ٹرانسمیشن لائن کوں ٹھیک بناونڑ‘ ڈوگنا لاسز کوں مکمل کنٹرول نہ کر سگے۔ بجلی چوری کوں کنٹرول نی کرسگے۔ عمر ایوب لائن لاسز گھٹ کیتے۔ 81 ارب روپے دی ودھ ریکوری کیتی۔ کارکردگی دی بنیاد تے لوکیں کوں سہولت ملی۔ انہاں شہباز شریف کوں مخاطب کریندے ہوئیں آکھیا جیرھا کجھ تساں ٹھیک کیتا اساں منیدوں،پر جو کجھ اساں ٹھیک کیتے ایندی تعریف تھیونڑ چاہیدی ہے۔ انہاں آکھیا جواساں چپ کر تے صبر نال اپوزیشن لیڈر دی گالھ سنڑی اتے انہاں دا وی شکریہ ادا کریندون جو انہاں وی اساڈی گالھ سنڑی۔ ایہو جمہوریت دا حسن ہے۔
