اسلام آباد ۔ 17 جون (اے پی پی) وفاقی وزیر داخلہ اعجاز احمد شاہ نال ایرانی ڈپٹی وزیر داخلہ حسین ذوالفقاری سنوار کوں ملاقات کی۔ ایں موقع تے ایرانی سفیر وی موجود ہن۔ ملاقات اچ سانجھی دلچسپی دے امور تے معاملات تے گالھ مہاڑ کیتی گی۔ ایں موقع تے سرحدی امور توں گھن تے معاشی امور تئیں ڈوہائیں پاسوں مکمل تعاون تے اتفاق کیتا گیا۔ ایرانی ڈپٹی وزیر داخلہ پاکستان دے مثبت رویئے اتے بھرپی آلے تعاون دی تعریف کیتی۔ایں موقع تے وزیر داخلہ اعجاز شاہ دا آکھنڑ ہا جو ڈوہائیں ملکاں دا آپس اچ تعاون اتے بھرپی قابل رشک ہے۔ انہاں آکھیا جو اساڈی کوشش ہے جو اقتصادی تے معاشی امور اچ ہک مٹھ تھی تے کم کیتا ونجے ۔ انہاں آکھیا جو علاقائی اتے معاشی ترقی دی راہ اچ رکاوٹ بنڑن آلے عناصر کوں مکاونڑ سانگے رل مل تے کم کرنڑ پوسی۔ ایران دے ڈپٹی وزیر داخلہ آکھیاجو باہرلی مداخلت توں ہٹ تے اپنڑے سانجھے ترقیاتی کماں تے پاکستان دے نال رل مل تے محنت نال کم کریسوں۔
