اسلام آباد ۔ 18 جون (اے پی پی) وفاقی وزیر ہوابازی غلام سرور خان آکھیے جو شام اتے پاکستان وچال ہوابازی شعبے کوں مزید مضبوط بنڑاونڑ دی بہوں گنجائش موجود اے ، شام دی ایوی ایشن پاکستان اچ آپریشن شروع کرنڑ دی خواہش ظاہر کیتی اے ،شام دی نجی ایئرلائن ”شام ونگ“ A 320جہاز دیاں ترائے پروازاں دمشق۔کراچی۔ دمشق روٹ تے شروع کرنڑچاہندی اے ۔او منگل کوں شام دے سفیر ردوان لوطفی نال ملاقات کریندے ہوئیں گال مہاڑ کریندے پئے ہن ۔ شام دے سفیروفاقی وزیر کوں ڈسایا جو شام مذہبی زیارتاں کیتے بہوں اہم اے ، تقریبًا 25توں 30ہزار پاکستانی زائرین شام اندن تے پاکستان اتے دمشق وچال براہ راست پروازاں کائنی۔انہاں ڈسایا جو شام اچ ویزا آن ارایول وی ڈتا ویندے تے پاکستان اتے شام وچال براہ راست پروازاں شروع کرنڑیاں چاہیدن ۔
