اسلام آباد ۔ 22 جون (اے پی پی) پاکستاناتے قطر تجارت،سرمایہ کاری،سیاحت اتے مالیاتی انٹیلی جنس دے شعباں اچ مفاہمت دیاں ترائے یاداشتاں تے دستخط کیتن۔ایں موقع تے مفاہمتی یاداشت تے دستخط دی تقریب وزیراعظم ہاوس اچ تھئی جتھاں وزیر اعظم عمران خان اتے قطر دے امیر شیخ تمیم بن حمد الثانی وی موجود ہن۔مشیر تجارت عبدالرزاق داﺅد اتے قطردے وزیرتجارت علی شریف ال عمادی تجارت و سرمایہ کاری بارے پاک قطر مشترکہ ورکنگ گروپ دی تشکیل کیتے مفاہمت دی یاداشت تے دستخط کیتن۔بین الصوبائی رابطے دی وزیر ڈاکٹر فہمیدہ مرزا اتے قطر نیشنل ٹورازم کونسل دے سیکرٹری جنرل اکبرال باقر سیاحت اتے کاروباری اموردے شعباں اچ مفاہمت دی یاداشتاں تے دستخط کیتے۔تریجھی یاداشت مالیاتی انٹیلی جنس، انسداد، منی لانڈرنگ اتے دہشتگرداں دی مالی معاونت روکنڑ کیتے تعاون دی ہئی ۔
