اسلام آباد ۔ 16 جون (اے پی پی) وزیر اعظم عمران خان سودھے اہم سیاسی رہنماواں قومی ٹیم کوں بھارت دے خلاف مشورے ڈتن اتے جان لڑاونڑ دی ہدایت کیتی اے۔وزیراعظم عمران خان ٹویٹ اچ کپتان سرفراز کوں مشورہ ڈتے جو او ٹاس جیت تے بیٹنگ کرن،جارحانہ حکمت عملی دے تحت سپیشلسٹ بلے بازاں بالراں نال کھیڈڑاں چاہیدے کیوں جو ں ریلو کٹے دباﺅ اچ کارکردگی نئیں ڈکھا سگدے۔انہاںا ٓکھیے گو بھارتی ٹیم فیورٹ اے بھل ہار دے خوف توں نکل تے کھیڈڑاں ہوسی ،اپڑے پاسو چنگا کھیڈو اتے چھیکڑی بال تئین مقابلہ کرواتے ولا ہک سچے سپورٹس مین آلی کار نتیجہ وی قبول کرو،پوری قوم دیاں دعائیں تہاڈے نال ہین۔پاک فوج دے شعبہ تعلقات عامہ ( آئی ایس پی آر) دے ڈائریکٹر جنرل لیفٹیننٹ جنرل آصف غفورآکھیے جو ساڈا ایمان اے جو رب ہر کہیں دا اے،اتے ایندے کولوں دعا دا ہر ہک کوں حق اے،اج دا میچ ہک کھیڈ اے اتے جیہڑی ٹیم گراﺅنڈ اچ چنگا کھیڈسی او جیتس،اساں بھاویں جیتوں یا ہروں ساڈیاں دعائیں قومی ٹیم دے نال ہین۔سپیکرقومی اسمبلی اسد قیصر ، ڈپٹی سپیکر قاسم خان سوری ،وزیر خارجہ شاہ محمود قریشی اتے بئے وزرا وی ٹیم کیتے دعا کیتی اے۔
