اسلام آباد ۔ 2 جولائی (اے پی پی) حکومت ولوں عازمین کوں حج خرچیں دی مد اچ 4ارب روپے توں ودھ دی واپسی دا فیصلہ کیتے ۔جیں تے عمل درآمد وفاقی کابینہ دی منظوری دے بعد کیتا ویسی۔وزارت مذہبی امور دے ذرائع اے پی پی کوں ڈسائے جو حکومت ہر حاجی کوں انہاں کوں ڈتیاں ونجنڑ آلیاں سہولتاں دے مطابق ہی رقم گھننڑ دا فیصلہ کیتے،جیرھے پاکستانی عازمین کوں ریل گاڈی دی سہولت کائناں ملسی انہاں کوں 500ریال واپس کیتے ویسن ،تے اینویں عازمین کوں مرکزیہ دی بجائے حرم توں پرے رہائش ڈتی ویسی انہاں کوں رہائش دی مد اچ رقم واپس ملسی عازمین حج کوں انہاں دیاں ڈتیاں گیاں سہولتاں دے مطابق 30, 40 اتے 58 ہزار روپے تئیں فی کس دے حساب نال رقم ری فنڈ کیتی ویسی ۔
