اسلام آباد ۔ 18 جولائی (اے پی پی) وفاقی وزیر ہوابازی غلام سرور خان آکھیے جو حکومت پی آئی اے دی بحالی کیتے سنجیدہ اے، انتظامیہ نال مکمل تعاون کیتا ویندا پئے۔پی آئی اے ہیڈ آفس دے پہلے دورہ ویلھے وفاقی وزیر کوں پی آئی اے دے سی ای او ائر مارشل ارشد ملک بریفنگ ڈتی اتے پی آئی اے اچ اصلاحات بارے ڈسایا۔غلام سرور خان پی آئی اے دی کارکردگی تے اطمینان کریندے ہوئے آکھیے جو حکومت پی آئی اے نال پورا تعاون کریسی۔ انہاں پی آئی اے دے جہازاں دی بحالی اتے نویں روٹس شروع کرنڑ تے ائر مارشل ارشد ملک دی تعریف کیتی۔
