اسلام آباد ۔ 13 جولائی (اے پی پی)سپیکر و ڈپٹی سپیکر قومی اسمبلی بین الپارلیمانی کرکٹ ورلڈ کپ اچ کامیابی تے پاکستان دی پارلیمانی کرکٹ ٹیم کوں مبارک ڈتی اے۔پاکستان دی پارلیمانی کرکٹ ٹیم برطانیہ اچ تھیونڑ آلے بین الپارلیمانی کرکٹ ورلڈ کپ دے فائنل اچ بنگلہ دیش دی ٹیم کوں ہرا تے اے ٹائٹل جیتئے۔سپیکر اسد قیصر اتے ڈپٹی سپیکر قاسم خان سوری ٹیم دی کھلاڑیاں علی امین گنڈا پور اتے علی زاہد کوں شاندار کارکردگی تے خاص مبارک ڈتی اتے آکھیا جو ٹیم دی کامیابی دا کریڈٹ کپتان سودھا پوری ٹیم دا اے جیوں ٹرائلزدے بعد ہک متوازن ٹیم چنڑی گئی ہئی،پہلے بین الاقوامی ٹورنامنٹ نال پارلیمانی سفارتکاری دے استحکام اچ مدد ملسی۔
