اسلام آباد ۔ 12 جولائی (اے پی پی) فیڈرل بورڈ آف ریونیو (ایف بی آر) دے چیئرمین سید شبر زیدی ترجمان ایف بی آر حامد عتیق سرور دے رلے پریس کانفرنس نال خطاب کریندے ہوئیں آکھیے جو قومی شناختی کارڈ ،اٹا، سجی تے میدے سمیت کھاونڑ پیونڑ دیاں چیزاں تے ٹیکس دے حوالے نال کوڑیاں خبراں کھنڈائیاں ویندیاں پن ،اپٹما سمیت سارے فریقاں دے مشورے نال اقدامات کیتے ویسن ،ٹیکسٹائل دی صنعت کوں ضیان پجاونڑ دا کوئی فیصلہ کائناں کریسون ،شناختی کارڈ دی شرط صرف سیلز ٹیکس دے حوالے نال اے ،22کروڑ دی آبادی اچ 47ہزار رجسٹرڈ سیلز ٹیکس دہندگان اچوں صرف 19ہزار سیلز ٹیکس ڈیندے پن ۔ چیئرمین ایف بی آر آکھیا جو ملک اچ تاجراں دے نال گال ہاڑ تے مشاورت دا سلسلہ جاری اے ۔ ایس آر او 1125جیرھاجو برآمدات تے زیرو ریٹنگ متعلق اے اتے سیلز ٹیکس کیتے قومی شناختی کارڈ متعلق شرط بارے غلط فہمیاں پیدا کرنڑ دی کوشش کیتی ویندی پئی اے ۔انہاں آکھیا ایجھا کوئی وی قدم کائناں چیسوں جیں نال ٹیکسٹائل سمیت ملکی صنعت تے تجارتی شعبے کوں ضیان تھیوے۔
