اسلام آباد ۔ 16 جولائی (اے پی پی) وزیراعظم دی معاون خصوصی برائے اطلاعات تے نشریات ڈاکٹر فردوس عاشق اعوان آکھیا جو وزیراعظم عمران خان گھیو اتے اٹے سمیت ضرورت دی شہیں دے نرخ اچ ودھارے دا نوٹس گھندیں ہوئیں صوبائی چیف سیکرٹریز توں وضاحت منگ گھدی اے،وفاقی کابینہ خوردنی تیل تے لاتا ٹیکس 7فیصد توں گھٹ کر تے 2فیصد اتے اسلام آباد اچ پلاسٹک بیگز تے 14اگست توں پابندی لاونڑ دا فیصلہ کیتے،ریکوڈک فیصلہ دے جائزہ سانگے خصوصی کمیٹی بنڑا ڈتی اے،ڈیلی میل اچ شہباز شریف دی کرپشن بارے سٹوری دا وی جائزہ گھدا گیا ۔اے گالھیں انہاں منگل کوں وفاقی وزیر مراد سعید اتے مشیر موسمیاتی تبدیلی ملک امین اسلم دے رلے وفاقی کابینہ دے اجلاس دے بعد میڈیا کوں بریفنگ ڈیندیں ہوئیں آکھی۔انہاں آکھیا جو اساں ڈساونڑ چاہندوں جو کینویں پچھلے دور اچ نام نہاد مغلہ ٹبر ملک کوں لٹیے،حکومتی فیصلیاں دی نشر تے اشاعت سانگے میڈیا اپنڑاں کردار نبھاوے،ریکوڈک فیصلے دے جائزہ سانگے کمیٹی بنڑا ڈتی گئی اے،کمیٹی ریکوڈک فیصلے دے ذمہ واراں دے تعین سمیت مستقبل بارے حکمت عملی بنڑیسی۔انہاں آکھیا جووزیراعظم عمران خان گھیو اتے اٹے سمیت ضرورت دی شہیں دے نرخ اچ ودھارے دا نوٹس گھندیں ہوئیں صوبائی چیف سیکرٹریز توں وضاحت منگ گھدی اے۔ وفاقی وزیر برائے مواصلات مراد سعیدآکھیا جو نواز شریف دے 2015ءاچ امریکہ دے دورے تے4لکھ60ہزار ڈالر خرچ تھیے جڈانجو وزیراعظم عمران خان دے امریکہ دے دورے تے صرف 60ہزار ڈالر خرچ تھیسن۔انہاں آکھیا جو نواز شریف دے گھر دے باہروں باڑ لاونڑ تے 24کروڑ50لکھ روپے خرچ تھیے۔انہاں آکھیا جو شہباز شریف سرکاری خرچے تے 130کروڑ دا نواں ہیلی کاپٹر گھدا۔انہاں آکھیا جو شریف ٹبر دی سکیورٹی تے 2717پولیس دے اہلکار لگے ہوئے ہن ،وزیراعلیٰ پنجاب عثان بزدار دی نقل و حرکت تے 60فیصد خرچے گھٹ تھین،انہاں دی سکیورٹی اچ85.5فیصد گھٹکی تھئی اے۔ وزیراعظم دے مشیر برائے موسمیاتی تبدیلی ملک امین اسلم آکھیا جومون سون شجرکاری اچ پورے ملک اچ 14کروڑ پودے لاتے ویسن،شجرکاری سانگے 400تقریبات دا اہتمام کیتا گئے ۔
