لندن ۔ 10 جولائی (اے پی پی) وزیر خارجہ مخدوم شاہ محمود قریشی بدھ کوں دولت مشترکہ دے مرکزی سیکریٹریٹ دادورہ کیتا ،جتھاں انہاں پاکستان ہائی کمیشن ولوں لاتی گی تصویری نمائش دا معائنہ کیتا۔دولت مشترکہ دے مرکزی سیکرٹریٹ پجنڑ تے برطانیہ اچ پاکستان دے ہائی کمشنر نفیس زکریا اتے سفارت خانے دے اعلیٰ حکام وزیر خارجہ دا استقبال کیتا ۔وزیر خارجہ ایں موقع تے پاکستان ہائی کمیشن ولوں لاتی گی تصویری نمائش دامعائنہ کیتا تے تصویری نمائش دی تعریف کیتی۔انہاں تصاویراں اچ پاکستان دے وزیر اعظم لیاقت علی خان اتے بیگم رعنا لیاقت علی دی کامن ویلتھ دے پہلے اجلاس اچ شرکت دی تصویراں سمیت اہم یادگار فوٹو شامل ہن۔وزیر خارجہ پاکستانی ہائی کمیشن دے حوالے نال جاری ڈاک ٹکٹاں دا وی معائنہ کیتا۔وزیر خارجہ آکھیا جوایجھی نمائش کراونڑ نال بئے ملکاں توں آئے ہوئے مندوبین کو ںپاکستان دے کلچر بارے جانڑن دا موقع ملدے ۔وزیر خارجہ مخدوم شاہ محمود قریشی دولت مشترکہ سیکرٹریٹ اچ بئے ممبر ملکاں دے وزرائے خارجہ نال غیر رسمی ملاقاتاں وی کیتیاں اتے ڈو طرفہ امور تے گالھ مہاڑ کیتی ۔
