اسلام آباد ۔ 17 جولائی (اے پی پی)وفاقی وزیر منصوبہ بندی مخدوم خسرونال ہواوے گروپ دے وائس پریذیڈنٹ مارک شو مین بدھ کوں ملاقات کیتی۔ وفاقی وزیر منصوبہ بندی ترقی تے اصلاحات مخدوم خسرو پاکستان اچ ہواوے دی سرمایہ کاری دی تعریف کریندے ہوئیں آکھیا جو کمپنی پاکستان دے آئی ٹی شعبے کوں جدید بناونڑ اچ مدد کر سگدی ہے۔ ملاقات اچ سیکرٹری پلاننگ ظفر حسن اتے وزارت دے اعلی حکام وی شرکت کیتی۔ وفاقی وزیر ایں گالھ دی تعریف کیتی جو پاکستان دی موبائل دی صنعت اچ ہواوے دا 25 فیصد حصہ ہے اتے ا یہ ملک اچ سبھ توں ودھ ٹیکس ڈیونڑ آلی چینی کمپنی ہے۔ وفاقی وزیر ن سمارٹ سکول پروجیکٹ بارے ہواوے کمپنی دی ایچ ای سی دے نال سانجھداری دی وی تعریف کیتی۔ وفاقی وزیر آکھیا جو ہواوے حکومت پاکستان دے ای گورننس نظام کیتے مدد کر سگدی ہے ۔انہاں آکھیا جو ہواوے کمپنی پاکستان دے آئی ٹی شعبے کوں جدید بناونڑ کیتے وی مدد کر سگدی ہے۔ہواوے دے نائب صدر آکھیا جو پاکستان ہک اہم اسٹریٹجک مارکیٹ ہے اتے کمپنی ایں سال تقریبا 100 ملین ڈالرز دی سرمایہ کاری کریسی۔ انہاں ڈسایا جو ہواوے 55 ملین ڈالرز دی لاگت نال اسلام آباد اچ ہک علاقائی ہیڈکوارٹر بنڑیسی ،جیں توں پاکستان اچ نینگر انجینئرز کوں روزگار دے مواقع ملسن۔
