اسلام آباد ۔ 25 جولائی (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو 25 جولائی دے انتخابات اچ پاکستان دے عوام دیاں خواہشاں اتے عمران خان دی 23 سالہ جدوجہد رنگ گھ آئن،عوام عمران خان کوں احتساب دا جیہڑا مینڈیٹ ڈتے، اج ایندی فتح دا ڈینہہ اے۔ہک ٹویٹ اچ ڈاکٹر فردوس عاشق اعوان آکھیے جو اج انہاں عناصر دی شکست دا ڈینہہ اے جیں قوم دے مال اچ خیانت کیتی، عوام کوں غریب کرتے اپنڑے محل بنڑائن، اج سیاست کوں لٹ مار کیتے استعمال کرنڑ آلے سیاسی عبرت دا نشان بنڑدے پین،قوم انہاں دی موروثی غلامی مسترد کر چکی اے،25 جولائی عوامی شعور دے اظہاردا ڈینہہ اے جیہڑے ڈینہہ عوام دے مونڈھے کرپٹ عناصر دی بیساکھی نئیں بلکہ پاکستان کوں بدعنوانی توں پاک کرنڑ دے مشن دا مضبوط سہارابنڑین۔
