بیجنگ ۔ 27 اگست (اے پی پی) چین ولوں امریکہ کوں آکھیا گئے جوا وہ اشتعال انگیزی توں پرے رہوے اتے بین الاقوامی اتے علاقائی امور اچ اپنڑاں چنگا اتے تعمیری کردار ادا کرے ۔ چینی وزارت خارجہ دے ترجمان جینگ شوانگ روزانہ دی پریس بریفنگ ڈیندے ہوئیں آکھیا جو جنوبی چین دے سمندر اچ اساڈی سرگرمیاں دی سچائی بارے واقفیت ہونڑ دے باوجود امریکہ حقائق کوں تروڑ مروڑ تے پیش کرنڑ دے مسلسل غیر ذمہ دارای آلے تبصرے کر یندا پئے،چٹے کوں کالا آکھیا ویندا پئے،چین ایندی سختی نال مذمت کریندے۔ترجمان آکھیا جوچین خطے دے امن و استحکام کوں سامنڑے رکھ تے عالمی قوانین اتے نظم و ضبط تے سختی نال عمل کریندا پئے اتے انہاں دا احترام وی کریندے ۔یاد رہوے جو امریکی محکمہ دفاع چین تے الزام لاتے جوا وہ جنوبی چینی سمندر اچ ویتنام دی تیل اتے گیس دی سرگرمیاں اچ ٹنگ اڑیندا پئے۔
