اسلام آباد ۔ 22 اگست (اے پی پی) وزیر خارجہ شاہ محمود قریشی آکھیے جومقبوضہ کشمیر اچ بھارت ولوں انسانی حقوق دیاں سنگین خلاف ورزیاں، غیر قانونی پابندیاں اتے نسل کشی دے سازشاں کوں ہر عالمی فورم تے بے نقاب کریسوں،جینو سائیڈ واچ دا نسل کشی انتباہ مقبوضہ کشمیردی صورتحال دی سنگینی دا ثبوت اے۔ہک نجی ٹی وی کوں انٹرویو اچ انہاں آکھیے جو مقبوضہ کشمیراچ نوجوان بالاں اتے بالڑیاں کوں چاتا ویندا پئے،انہاں تے تشدد کرتے زیادتی دانشانہ بنڑایا ویندے،ایں بارے تہمینہ جنجوعہ کوں ہیومن رائٹس باڈیز،آرگنائزیشنز، ہیومن رائٹس واچ، ایمنسٹی انٹرنیشنل نال رابطہ کرنڑ اتے انہاں کوں مقبوضہ کشمیردکی صورتحال ڈساونڑ دی ہدایت کیتی اے اتے او جنیوا پج گین۔انہاں آکھیے جو میںا ٓپ وی جنیوا اچ ہیومن رائٹس کونسل دے اجلاس اچ کونسل دے 45 رکن ممالک اتے انہاں دی عالمی تنظیماں کوں پاکستان، وزیراعظم عمران خان اتے کشمیریاں دا مقدمہ پیش کریاں تاں جو انہاں مظلوم لوکاں دی گالھ کروں اتے انہاں کوں نسل کشی و قتل عام توں بچا سکوں۔ وزیر خارجہ آکھیے جو چارملاکں دے وزرا خارجہ کون ٹیلی فون کرتے مقبوضہ کشمیر دی ارداس سنڑائی اے جو مقبوضہ وادی اچ ستارھاں دینہہ توں کرفیو لگا ہوئے اتے انسانی حقوق پامال تھیندے پین۔
