اسلام آباد ۔ 22 اگست (اے پی پی) حج پڑھنڑ دے بعد حاجیاں دی پاکستانی واپسی جاری اے ،سرکاری تے پرائیویٹ سکیماں دے مجموعی طور تے 20ہزار توں ودھ حاجی وطن واپس پج گن ۔ وزارت مذہبی امور دے ترجمان دے مطابق سرکاری سکیم دے ہنڑ تئیں14 ہزار جڈاں جو پرائیویٹ سکیم دے 6 ہزار حاجی وطن واپس پج گن ۔ 5 ہزار توں ودھ حاجی مکہ مکرمہ توں مدینہ منورہ پج گن جتھاں او 8ڈینھ قیام دے بعد وطن واپس روانہ تھیسن ۔ ترجمان آکھیے جو سرکاری سکیم دے مکہ مکرمہ اچ ہنڑ تئیں ہک لکھ توں ودھ حاجی موجود ہن ۔حاجی کیمپاں دا عملہ ملک دے 10شہراں اچ ہوائی اڈیں تے حاجیاں دے استقبال کیتے فرائض سرانجام ڈیندا پئے ۔حج فلائٹ اپریشن 15ستمبر تئیں جاری رہسی۔
