میدان عرفات ۔ 10 اگست (اے پی پی) حج دا رکن اعظم ادا کرنڑ کیتے میدان عرفات اچ کوئی ویہی لکھ دے نیڑے عازمین حج میدان عرفات پجین جتھاں انہاں سعودی عرب دے مفتی اعظم شیخ محمد بن حسن توں خطبہ حج سنڑیے، ایں موقع تے روح پرور مناظر ڈٹھے گین۔ایں توں پہلے حاجی منی اچ خیمہ وستی اچ ساری رات عبادات توں بعد میدان عرفات پجین اتے حج دا وڈا رکن وقوف عرفات ادا کیتے۔خطبہ حج اچ مفتی اعظم مسلمانان دے اتحاد،بھرا بھرپی، صلہ رحمی، آپس اچ پیار محبت اتے نرمی ودھا تے آپسی نفرتاں مٹاونڑ دا درس ڈیندے قرآن و سنت دے حوالے ڈتن۔خطبے حج دی چھیکڑی دعا اچ مسلم امہ دی سلامتی و خوشحالی اتے غلبہ اسلام کیتے دعا منگی گئی جیندتے کئی روح پرور مناظر ڈٹھے گین۔میدان عرفات اچ خطبہ توں بعد حاجی وٹے کتھے کیتن تاں جو جمرات ونج تے شیطان کوں ماریے ونجن۔
