اسلام آباد ۔ 23 اگست (اے پی پی) صدر مملکت ڈاکٹر عارف علوی آئین دے آرٹیکل 54 دی شق 1 مطابق سینیٹ دا اجلاس خمیس 29 اگست2019ءشام پنج وجے طلب کر گھدے۔ اجلاس اچ پہلے ڈو ڈینھ 29 اتے 30 اگست کوں مقبوضہ کشمیر دی موجودہ صورتحال اتے کشمیریاں تے بھارتی مظالم دے نال نال پاکستان دی ایں بارے حکمت عملی تے بحث کیتی ویسی۔ ایندے نال نال کشمیر دے مسئلے کوں بین الاقوامی سطحی تے اجاگر کرنڑ سانگے پارلیمانی ڈپلومیسی کوں چنگے طریقے نال استعمال کرنڑ دی حکمت عملی تے صلاح مشورے وی ڈتے ویسن ۔ اجلاس اچ قنون سازی دے علاوہ اہم قومی تے بین الاقوامی امور اتے عوامی نوعیت دے اہم مسئلیاں کوں وی زیر غور لاتا ویسی۔ چیئرمین سینٹ محمد صادق سنجرانی اجلاس دی صدارت کریسن۔
