اسلام آباد ۔ 23 اگست (اے پی پی) وزارت خزانہ فنانشنل ایکشن ٹاسک فورس دے ایشیاءپیسیفک گروپ (اے پی جی) ولوں پاکستان کوں بلیک لسٹ کرنڑ توں متعلق بھارتی میڈیا دے دعوے کوں مسترد کریندے ہوئیں ایں بارے میڈیا رپورٹس کوں غلط اتے کوڑاآکھیے ۔ جمعہ کوں جاری ہک وضاحتی بیان اچ آکھیا گئے جو ایشیاءپیسیفک گروپ18 توں 23 اگست کو ںآسٹریلیا اچ تھیونڑ آلے اپنڑے 22ویں اجلاس اچ پاکستان دی تریجھی میچوئل اویلوایشن رپورٹ ایڈاپٹ کر گھدی ہے اتے پاکستان کوں اے پی جی دے میچوئل اویلوایشن پروسیجرز مطابق ایندے فالواپ سانگے آکھیا گئے۔وضاحتی بیان اچ آکھیا گئے جو اے پی جی دے میچوئل اویلوایشن پروسیجرز دے تریجھے دور تحت پاکستان اے پی جی کو ں ترائے مہیناںدی بنیادتے فالو اپ رپورٹس ڈیسی۔ وزارت خزانہ دا آکھنڑ ہا جو پاکستان کوں بلیک لسٹ کرنڑ توں متعلق میڈیا رپورٹس غلط اتے کوڑیاں ہن۔
