مظفر آباد ۔ 14 اگست (اے پی پی) وزیراعظم عمران خان دوٹوک لفظاں اچ خبردار کیتے جیکر بھارت آزاد کشمیر تے حملہ دی کوشش کیتی تاں اوکوں منہ بھن جواب ڈیسوں،مقبوضہ کشمیر دی انفرادی حیثیت مکا تے نریندر مودی وڈی سٹرٹیجک غلطی کیتی اے، پوری قوم اتے پاک فوج ہر ویلھے تیار اے،بھارتی وزیراعظم کوں اوندامانڑ بوڑ ڈیسی،مودی دا مقبوضہ کشمیر اچ حالیہ اقدام انتہاءپسندانہ نظریہ دی چھیکڑی چال اے،ساکوں آر ایس ایس دے خوفناک نظریے دا سامنڑااے،ہندو انتہاءپسند تنظیم جرمن نازیاںسےدا نظریہ ولا جیندا کر ڈتے۔ آزاد کشمیردی قانون ساز اسمبلی دے خصوصی اجلاس نال خطاب کریندے ہوئے وزیراعظم عمران خان دا آکھنر ہا جو مقبوضہ کشمیر اچ کرفیو دے دوران انسانی المیہ سامنڑے آونڑ دی ذمہ داری اقوام متحدہ سودھے عالمی برادری تے آسی۔اساں بی جے پی اتے نریندر مودی دا اصل چہرہ جگ دے اگو بے نقاب کیتے، آر ایس ایس زبردستی مذہب تبدیل کراونڑ دے ہتھکنڈتے تے چلدی پئی اے بھل پاکستان این اوکھے ویلھے اچ اپنڑے کشمیری بھراواں دے نال کھڑے،مقبوضہ کشمیر اچ مودی دے اقدامات گجرات دی انتہا پسندانہ ذہنیت دی عملی شکل ہین،پچھلے ادوار اچ مقبوضہ کشمیر اچ ظلم دے پہار تروڑیے گین بھل کہیں بھارت توں نئیں پچھیا تہوں اج بھارت اتنا وگو تے ودھ گئے جو اج پورا جگ کشمیری عوام کیتے فکر مند اے۔ انہاں آکھیے جو اساں جگ دے اگو مقبوضہ کشمیردا مقدمہ چنگے انداز اچ گھن گئے ہیں،مودی دے اقدامات ایکوں بیا اگونہا کر ڈتے۔انہاں آکھیا جو میں کشمیر دی پارلیمان اچ اعلان کریندان جو میں جگ اچ تہاڈا سفیر ہاں،جگ کوں آر ایس ایس دے انتہاءپسندانہ نظریہ بارے ڈسیندا پیاں،آر ایس ایس کا نظریہ نازی نظریہ دی خطرناک جھلکی اے جیندے خلاف اقدامات کرنڑ عالمی برادری دی ذمہ داری اے۔ انہاں آکھیے جو بھارت جانڑ گھنے جو ہندو انتہا پسندانہ سوچ دا سب توںو ڈانشانہ او آپ بنڑ ویسی،بھارت آرٹیکل 370 اتے 35 اے ختم کرتے اپنڑے آئین، سپریم کورٹ اتے جموں و کشمیر دی ہائیکورٹ دے فیصلہ دی خلاف ورزی کیتی اے،نریندر مودی اپنڑا چھیکڑی کارڈکھیڈ ڈتے جیہڑا اوندی وڈی سٹریٹجک غلطی اے۔
