اسلام آباد ۔24 اگست (اے پی پی)وزیر خارجہ شاہ محمود قریشی اقوام متحدہ دے سیکریٹری جنرل انتونیو گوئتریس کوں ٹیلی فون کیتے اتے مقبوضہ جموں و کشمیر اچ جاری انسانی حقوق دی سنگین خلاف ورزیاں،بھارت دے یکطرفہ اقدامات دے بعد خطے اچ امن و امان دی صورتحال بارے ڈسائے۔وزیر خارجہ اپیل کیتی اے جو اقوام متحدہ اتے عالمی برادری مقبوضہ جموں و کشمیر دے لوکاں کوں بھارتی بربریت توں بچاونڑ،کرفیوچاونڑ اتے آبادی دا تناسب وٹاونڑ توں روکنڑ کیتے کردار ادا کرن،جیکر عالمی برادری دیاں کوششاں ناکام تھیاں تاں کشمیری مزاحمت داہر حربہ استعمال کر سگدن، بھارت جعلی فلیگ آپریشن کرسگدے، اپوزیشن رہنماواں کوں کشمیر ونجنڑ توں روکنڑبھارتی فسطایئت دی بدترین مثال اے۔اپنڑی گالھ مہار اچ وزیر خارجہ انتونیو گوئترس کوں بھارت ولوں مقبوضہ جموں و کشمیراچ مکمل لاک ڈاون، ذرائع مواصلات تے پابندی اتے مسلس کرفیو دی سورتحال اتے ایندے نال پیدا تھیونڑ آلے اوکھ بارے ڈسایاجو بھارتی یکطرفہ اقدامات اقوام متحدہ دی قرارداداں اتے بین الاقوامی قوانین دی صریحاً خلاف ورزی ہین، بین الاقوامی میڈیا اتے انسانی حقوق دی تنظیماں دیاں رپورٹاں وی تشویشناک ہین،دوائیان دی قلت اے،بھارتی اقدامات کوں پاکستان ، کشمیری عوام اتے بھارتی اپوزیشن وی مسترد کر چکین۔سیکریٹری جنرل اقوام متحدہ انتونیو گوئترس آکھیے جو او ایں تشویشناک کوں ڈیہدے پین،اقوام متحدہ ایندے تے اپنڑا کردار اداکریسی۔بعد اچ وزیر خارجہ اقوام متحدہ دے سیکریٹری جنرل نال اپنڑی گالھ مہار بارے ڈسایا۔ انہاں آکھیے جیکر کشمیر اچ سب اچھا اے تاں ول بھارتی اپوزیشن کوں سری نگر تون ولا کیون بھیج ڈتا گئے؟ایندے نال بھارت دانام نہاد جمہوری چہرہ بے نقاب تھی گئے اتے پورے جگ بھارتی حکومت دی فسطائیت ڈیکھ گھدی اے۔انہاں آکھیے جوایں مسلے دیاںترائے پارٹیاں ہین،پاکستان، کشمیری اتے بھارتی اپوزیشن جڈاں جو ست توں ودھ پٹیشنز بھارتی سپریم کورٹ اچ ایں فیصلے دے خلاف آیاں ہوئن۔
