اسلام آباد ۔ 23 اگست (اے پی پی) وفاقی وزیر مذہبی امور پیر نور الحق قادری نال جمعہ کوں رابطہ عالم اسلامی دے ریجنل ڈائریکٹر سعد مسعود الحارثی دی سربراہی اچ وفد ملاقات کیتی۔ ایں موقع تے رابطہ عالم اسلامی دے ریجنل ڈائریکٹر وزیر مذہبی امور کوں کامیاب حج آپریشن تے مبارخباد ڈیندے ہوئیں آکھیا جو پاکستان دے پسماندہ اتے مصیبت زدہ علاقیاں اچ سماجی تعاون سانگے ہر دم تیار ہن۔ وزیر مذہبی امور رابطہ عالم اسلامی دے وفد نال گالھ مہاڑ کریندے ہوئیں آکھیا جوتنظیم ساری دنیا دے مصیبت زدہ مسلماناں کیتے چنگیاں خدمات ڈتیاں ہن اتے پسماندہ علاقیاں دی ترقی سانگے ودھ چڑھ تے اپنڑاں کردار ادا کیتے۔ انہاں آکھیا جو سیکرٹری جنرل ڈاکٹر محمد بن عبدالکریم العیسیٰ ہک جید عالم دین اتے عظیم رہنما ہن، اساں انہاں دے دورہ پاکستان دا انتظار ہے۔
